ACTS 21

WBT

‹ Chapter 20 ACTS — All Chapters Chapter 22 ›

1 Wazaamaaka�uan dauna�an mishidainao zowaunaanao, wamako�okan naa udaru�o kanawa ida�an. Na�iki�o wamakon sariapa Cos iti. Ba�oran kamoo wadobatan naa koshan, Rhodes ii wakaawa�akan, na�iki�i naa wamakon atii wakaawan Patara iti. 2 Na�ia�a naa wazaamatan ba�oran kanawa tu�uz mako�o Phoenicia iti, Syria ia�oraz. Wapaidinan dauna�an, wamakon naa koshan. 3 Maonapa wadobatan paran baoko a�o katonaru Cyprus danoma an, wa�ashabaron antanapu wataapanuzu. Wamakon atii wakaawan Tyre iti, Syria ia�oraz. Na�ii wamaaratina�akan zii kanawa di�iki. Usha�apanum kau�an na�ia�o nii zii kanawa wazoo kida maaraa-kao. 4 Uruu wiizai di�ii, waikoda mishidainao Jesus. Uruu idi bauda�apa sondii wana�ia�akan ĩtuma, kanawa sannao tomunu�ikinpan kawana�ati. Uruu dono Kaimana�o Doronaa kowaada-kidan mishidainao ati, na�apam nii Paul sha�apata-kao Jerusalem ii. Uruu idi tuukii ĩmashaatanuzu, aonaa kizi umakon na�iti. 5 Mazan na�apaini�o ni�i naa wadobatan kamoon aita-kao. Uruu idi wamakon naa koshan kanawa di�iti. Ipai mishidainao, paudaiaro na�iki paudainao tuma kida ĩda�anan waunao atii paran danoma iti. Na�ia�a naa paran danoma ii wakodoru�ukan baokopa na�iki watoriinpan naa Tominkaru ati. 6 Ĩzaamaaka�uan dauna�an waunao, wapaidinan naa kanawa zo�iti. Aizii mishidainao, ĩkiwan naa kapam padapu iti kida. 7 Na�iki�i naa koshan wadobatan, atii Ptolemais ii kanawa mashaadinan. Uruu idi na�ii wamorowautapa�akan mishidainao kida di�ii. 8 Ba�oran kamoo wadobatan, atii wakaawan Caesarea iti, wasookadinan Philip dapu ii. Uruu Philip kowaadapauzoz Kaimana�o Kuwai Jesus dau�u pidannao ati. Na�iki uruu tawuru�u zaamata-kariwaiz Jerusalem ii, 7 sha�atii ĩzaamata-kao buuta�o nii wanyukunui patumaaka kida. 9 Kaina�a 4 Philip dainao zunnao, aona�o zii ĩkaudaiarun kida. Ĩnao prophetiabanao. 10 Aizii dobata zaa kamoo wana�a�akan dauna�an, uru�u naa prophet, Agabus kia�o u�uu, kaawan Judea Baara iki. 11 Ukaawan wa�ida�ati, sariapa uso�otan Paul zadawu ukonon iki, na�iki uwatudan pataba�u, na�iki paanoba uzadawu idi. Ukian, “Kaimana�o Doronaa kian, kaikapa�o nii Jewnao watudan wuru�u kazadawu�oraz Jerusalem ii, na�iki ĩtaan niizu Gentilenao ati." 12 Aizii waabatan idi kaikapa�a parada-karu�u, tuukii waunao na�iki ba�orainao kida tiwaan pamashaatan Paul, aonaa padamata wataapadan umakon Jerusalem iti. 13 Mazan ukian, “Kandii nii uzaadan õdau�ati kaikapa�a, ukasha�orada�azon õnyukunuu? �watuda-kao an oo õzowii-kao an na�ii, Naobanai Jesus dikin ii, aonaa usha�apan, mazan upu�a�o nii õmakon,” ukian. 14 Atii aonaa waka�iitan wamashaatanuz. Uruu idi wakian u�ati, “Marii mooko pusha�apata-kao Tominkaru aipan kawana�ati." 15 Uruu dauna�an waminziiwan naa, na�iki wamakon naa Jerusalem iti wakidiba ida�an. 16 Pabi�i kida mishidainao Caesarea iki mako kapam watuma. Uruu idi baokopa�a naa wamakon, atii wakaawan Jerusalem iti. Ĩnaou�u naa na�aka waunao Mnason dapu iti, wasookapa�azoo-kizi iti. Uruu kotua�o uwa�atin Cyprus iki, na�iki kotua�ora�a naa pa�an uzaamatan Jesus panaobanaa nii. 17 Wakaawan dono Jerusalem iti tuukii mishidainao konaukii-kidan waunao. 18 Ba�oran kamoo Paul makon baokopa watuma, utukapa�anan James. Wakaawan na�iti, waikoda ipai choochi zowaunaanao na�ii. 19 Uruu idi tuukii Paul konaukii-kidan ĩdyaun. Udauna�an ukowaadan naa ĩ�ati ipai aimaakan Tominkaru sha�apatanii kida Gentilenao ati, pakaudinan dono ĩbii ii aka. 20 Ipai wuru�u abatainaouz Paul kuwaa, tuukii ĩkonaukian. “Kaimana�o manawun mishi pugaru,” ĩkian Tominkaru ati. Udauna�an ĩkian Paul ati. “Wa�inawuzu Paul, mishi putukapa na�apam iriba, iriba Jewnao ipai amazada kawana�ati mishidan naa naobanai Jesus. Mazan ĩnao, tuukii ĩmarainpan na�iki ĩizo�atin tawuru�u Moses kakinaori kidaz. 21 Aizii kaina�a ĩabatan dikauda kida�o parada-karu pudau�u. Ĩabatan putominapa-kidan na�iki pukakinaotan Jewnao wuru�u mashaapainaouz Gentilenao wiizi ii aka kida, aona�a naa kaikin puaipan ĩsha�apatinan Moses kakinaori kida kawana�ati. Na�iki aona�a naa kaikin puaipan ĩchoota-kidan paudani daonaioranao, Moses kakinaori kawana�ati, na�iki aona�a naa kaikin puaipan wuru sha�apata-kaoa�a waunao Jewnao kaduz kidaz. 22 Masakauda�u dauna�an, ĩabatan ni�i naa wuru�u pukaawanuz. Aizii mani, na�apam nii washa�apatinan? 23 Wadi�itinpan kaikapa�a, waaipan pusha�apatinan waparadan kawana�ati. Kaina�a 4 daonaioranao kowaadauzo pamishia�azon paparadan Tominkaru ati. Kaina�a�a naa ĩdyaun kaida�a�a, ĩipaia�a naa pasha�apatan wuru�u ĩkowaadauzoniaz pasha�apata�azon. 24 Ukau�an turuu pumakon baokopa ĩtuma, puchikaina�an kizi ĩtuma Tominkaru ati, Jewnao kakinaori kawana�ati. Na�iki pukowaada kizi�i naa pugaru�o nii kawinipinaata uzainao ĩtaan nii faadaanao ati. Ĩipaian dauna�an pachikainan, ĩsokozoo-kao ni�i naa ĩtukapa-kida-kinaa ni�i naa pamishian paparadan Tominkaru ati. Uruu ida�ana�o nii Jewnao tukapan aonaa mishi�o mani wuru�u pumashaatanuz pidannao sha�apatan aimaakan wakakinaorinaa ai. Usha�apanum kau�an, pugaru na�apa kapam pusha�apatan wuru�u wakakinaorinaa aiapanii kidaz usha�apata-kao. 25 “Mazan Gentilenao ati, wuru�u mishidainaouznaa, waunao choochi zowaunaanao saadani�i naa pa�an wakaaritan ĩ�ati, na�iki wataa ĩ�ati idikinauda�u karikaonan kakinaorii waaipaniaz ĩizo�atin. Kaikapa�a wuru�u wakianuz wakaaritan ida�a: ‘Aonaa unika�ana�a wanyukunui taa-kariwaiz ba�oran kaduz tominkarunao ati. Na�iki aonaa unika�ana�a izai, na�iki aimaakan dunaa wuru�u dyukuruuta-kariwaiz uzowii-kao. Na�iki aonaa ukashaapa�ana�a daonaiora na�iki zun kiaapaakan pamamazidakan pu�u,’” kia�o wuru�u ĩkianuz Paul ati. 26 Ba�oran kamoo na�apa�a naa Paul sha�apatinan padyuuda-kao kawana�ati. Una�akan naa wuru�u daonaioranaouz, na�iki na�ia�a naa ĩchikainan utuma Moses kakinaori dyuudauzon kawana�ati. Uruu dauna�an Paul makon Tominkaru Dapu iti, ukowaadankan naa faadaanao ati 7 kamoo ida�a ĩipaian ni�i naa pachikainan Tominkaru ati. Uruu dono�o ni�i naa uzainao kawaoda-kao ĩkawana�ati kida. 27 Mazan 7 kamoo ĩsha�apaapan wuru�u pasha�apaapanii kidaz, na�iki ĩipaian pu�a�a naa kapam. Upu�u Jewnao wa�atiinao Asia iki, tukapan Paul Tominkaru Dapu ii. Sariapa ĩkimudan na�iki ĩto�oradan pidannao kasaba�ukinpainao na�ii. Una�apan pu�u ĩzaamata�akan naa Paul, 28 na�iki ĩkadakoinan naa kaikapa�a: “Unao Israelitenao, ukaminka�uta wazaamatan di�oraz pidana�a. Uruu tawuru�u chi�ikapa�oraz ipai amazada kawana�ati, dakoopa�ita�oraz Israelitenao, na�iki dakoopa�o wakakinaorinaa Moses taauzonii kidaz wa�ati, na�iki udakoopan kapam wuru�u di�oraz Tominkaru Dapu�u. Aizii di�i, ukaniribaa-kidan Tominkaru Dapu, una�akan idi Gentilenao unazo ati." 29 (Ĩto�oran na�apa usha�apanum kau�an ĩtukapanii Trophimus, Ephesus san, Paul tuma donoi ii. Ĩ�itiiman mani kaina�a Paul morota-kidan uruu patuma Tominkaru Dapu iti.) 30 Uruu dono tuukii, tuukii pidannao to�oradinan uruu wiizai di�ii. Ĩdiman naa di�iki kida�a kasaba�u, kasaba�uan Tominkaru Dapu iti. Ĩmorotan sariapa ĩzaamatan Paul, na�iki ĩkozoota�akan naazu Tominkaru Dapu iki. Udauna�an ĩtarata�akan naa paniinom. 31 Aizii wuru�u pidannaouz, ĩaipan naa pazowia�akan uruu. Upu�u mazan parada-karu kaawan Rome iki�o soldyaanao zowaunaa ida�ati. Kaikapa�a wuru�u parada-karu dyuuda-kaoaz: “Ipai, ipai pidannao to�oradinan kai Jerusalem ii, tuukia�o kaiwuru�u ĩto�oradinanuz." 32 Soldyaanao zowaunaa abatankan idi na�apa�o kuwai, sariapa una�akan soldyaanao, panaobanaanao tuma kida. Kadimana�o ida�an ĩmako�okan naa pidannao to�oradinainao di�iti. Aizii pidannao tukapankan soldyaanao zowaunaa, pasoldyaannao tuma, sariapa ĩsookada�akan pazowiautapan Paul. 33 Soldyaanao zowaunaa kaawan na�iti, sariapa uzaamatan Paul ĩ�ai. Udauna�an udyuudan naa uwatuda-kao dya�utamtinpa�o chain idi. Na�iki upishaan naa pidannao kaikapa�a: “Kanom kaduz wuru�u di�oraz pidana�a? Kanom mooko usha�apata?" 34 Mazan pana�a sodi kida pidannao kadakoinan. Ba�orainao kian, “uruu kaikapa�ora�a,” ba�orainao kian, “kaikapa�o uru�u.” Atii aonaa soldyaanao zowaunaa aitapan kanom dikin ia�o wuru�u ĩto�oradinanuz u�ati. Uruu idi udyuudan naa Paul na�aka-kao soldyaanao mashaapa-kizi nazo iti. 35 Mazan ĩmorotan ua�ii kabaun nazo iti, pozai ida�a zii, uru�u naa soldyaanao sawata�akan naa Paul, usha�apanum kau�an tuukia�a naa manawun pidannao to�oradinan. 36 Ĩwa�atin baokopa udawu�ati kasaba�u, kasaba�uan, pakadakoinan tuma. “Uzowii uruu, uzowii uruu,” kia�o wuru�u ĩkadakoinanuz. 37 Soldyaanao kaawa-kida�anan pu�a�a naa uruu padapu nazo iti. Sariapa Paul kian soldyaanao zowaunaa ati Greek ida�an, “Turuu õparadan pu�ati?” “Kaa! Puaitapanii sha�a Greek?” ukian Paul ati. 38 “��itiiman shaa pugaru Egypt san, tawuru�u toma�oraz mizaataaka-karu diiki�i za�a Rome ikiinao tuma, na�iki taazata-kida�oraz 4000 zowii-mikinao pidannao mapidantaka�o amazada di�iti." 39 “Aonaa. �garu Jew, Tarsus ia�o õshakatan, umanawunu�oraz manawun wiizai Cilicia Baara ii. Pukashaapa shoman õparadan pidannao ati,” Paul kian. 40 “Kaiman, turuu puparadan,” ukian. Pozai paawa ia�a naa Paul kadishitan na�iki usawadan paka�u, pidannao mashaada-kizi. Sariapa mishi pidannao mashaada�akan. Udauna�an uparadan naa Jewnao ati ĩparadan Hebrew ida�an.

‹ Chapter 20 ACTS — All Chapters Chapter 22 ›

ACTS 21

Cite / Share This Page