Mark 2

1 Yesu ana tauvotaghotagho maitehi hi wanavira-meyehi au Kapernaum. Ma au pom ruwagha au murina, tuyeghana hi nonori da Yesu i nememei au meyagai. 2 Yamna aubaina rava maghamaghauhi hivi tagogiyehi au numana. Patara hi magha guratana da numa metaetana maiteni i howai. Yesu, God riwana i rarauguguyei. 3 Rava 4, vatavatarei oroto gwaghagwaghana hi avarai da hi neiyai Yesu awarina. 4 Rava hi magha guratana da egha tagotagogina hita neêi Yesu awarina. Yamna aubaina teteyei hi amghaena da numa au pohewana gavogavo hi bauni. Gwaghagwaghana vatavatarana hivo vai-hariharirini Yesu au naona. 5 Yesu, ravahi i inanahi da hivi tumaghanei. Yamna aubaina da orotona gwaghagwaghana i riwei ipa, “Natuêu, am ghohaêapoapoe a nota-tawaneêi." 6 Mai Jew ahi Raugagayo Tauviharaharamananahi ghehauhi kampa hi tughutughura ma ahi aunota wenanaêarena hivivi nuwa-notanota, 7 “God, Tau avana ghohaêapoapoei e notanota-tawaneêi. Aiwaêi aubaina da tauna we ravana nanaêarena e dedede? Tauna, God e teretere-ghaêirei; ma tauna e tereteregheêetana-meyei da tauna me God nanaêarena." 8 Maratagogi, Yesu aruwanei i haramanei da tauhi nanaêarena hivivi nuwa notanota, aubaina i riwehi ipa, “Aiwaêi aubaina weêi riwana ovivi nuwa-notenotei? 9 Metauna kauwana i teatea: da gwaghagwaghana ata riwei, ‘Am ghohaêapoapoe a nota-tawaneêi.’ Bo, ‘Ma vomahiri, am anieno ma vaini ma ma nae?’ 10 Weêi kauwana a kaukauwei da taumi ona haramaneêi da Rava Natuna ana riwapana au dobu e maêamaêae da ghohaêapoapoe ina nota-tawanehi.” Ma gwaghagwaghana i riwei ipa, 11 “A riwem; ma vomahiri; am anieno ma vaini ma ma nae am au numa!" 12 Oroto ivo mahiri ma ana anieno i vaini ma maratagogi i nae. Patara hi inanai ma hi bahana guratei. Tauhi hi hauhepahi ma God hivo hepahepai ma hi ririwa, “Tauêai egha meyanai kauwa wenanaêarena ata inanai!" 13 Yesu ana tauvotaghotagho maitehi Kapernaum hi hopu-tawaneêi ma Galili topana au gerahana hi naenae. Ma patara hi neêi, awarina ma tauna God riwana ahiêahina ivi haraharamanihi. 14 Ma i verau-nae ma oroto wavana Levi Alphaeus natuna, ana bagibagi au gabuna i tughutughura ma mane i tamitami Rome gabemanina aubaina. Yesu i riwei, “Ma votaghotaghoiu!” Levi ivo mahiri ma ivi muri-taghotaghoi. 15 Yesu ana tauvotaghotagho, mane tautamina ghehauhi, ma ghohaêapoapoe ravahi; tauhi, Yesu maitehi hivo taghotaghoi. Anatapuhi, Levi ana au numa hi amêam gogona. 16 Pharisee ma tauhi tagogihi Raugagayo Tauviharaharamanahi; tauhi hi inanai da Yesu mane tautamina ma ghohaêapoapoe ravahi maitehi hi amêam. Anina ma tauhi, Yesu ana tauvotaghotagho i riwei, ipa, “Aiwaêi aubaina Yesu, mane tautamahi ma ghohaêapoapoe ravahi maitehi he amêam?" 17 Ma maranai Yesu weêi dedena nanaêarena i nononori; tauna, tauhi i riwehi, “Rava yawayawahanihi, tauvi yawahana egha hita ghoheghohehi. Ma rava doridoriahi; tauhi, tauvi yawahana he ghoheghohehi. Taêu egha ata neêi rava ahiahihi aubaihi. Eêegha da rava deghadeghahi aubaihi a neêi." 18 Maratagogi, John Taubabataito ana tauvotaghotagho ma Pharisee hi hudihudi. Ma rava ghehauhi, Yesu awarina hi neêi ma hi rau-bayadei hipa, “Aiwaêi aubaina John Taubabataito ana tauvotaghotagho ma Pharisee maitehi he hudihudi ma tam am tauvotaghotagho eêegha?" 19 Yesu i pari-beyehi ipa, “Taumi o notanotai da tauhi tauviyaraga, tavine ana au am egha hina am bo? Eêegha! Maranai tavitavine vou-orotona, tauhi maitehi he maêamaêae, tauhi hita hudi ava. 20 Ma mara ina neêi da tavitavine vou-orotona, ana ghavia hina vaina-tawanei ma naêi maranaina ana rava hina hudi." 21 wine wage ghamoghamo opinei Ma i riwa ipa, “Taêu kauwa vouna a neiyaêi, egha me taumi ami kauwa wadubona nanaêarena. Egha aiyaêi ravana, gara wadubona ma wanawana-sikana, gara vounei ina hirahirama potaêi. Anona yamna rauogha awarina garana vouna, wadubona ina roroêi da gavogavona ina raêata. 22 Ma nanaêarena egha aiaêi, wine vouna ina vaini da wage wadubona awarina ina hiwaghi. Mepa da ina ghohai; yamna na wine wagena ina wana-vaipawai ma wage ina wana-hedari da wine ma wage ina apoapoe." 23 witi wapuna Maratagogi au Sabate, witi debagauna au horana, Yesu ana tauvotaghotagho maitehi hi naenae. Ma ana tauvotaghotagho, witi hi vaini da hi amêam. 24 Pharisee ghehauhi, we kauwana hi kaukauweiya hi inanai. Yamna aubaina da Yesu hi riwei, “U haramanei da ata Raugagayo i riwa da Sabate, yamna viyawahi marana. Aiwaêi aubaina da tauhi hevovo bagibagi?" 25 Yesu i pari-beyehi ipa, “David ana tauvotaghotagho maitehi am hi hiraghe. Ma aiwaêi hi ghohai? Taumi o hiyavi ma aiwaêi aubaina anona egha otavi nuwa-notenotei? 26 Pirisi Gheghe Vavahaghana, Abiata ana au mara; David, God ana au numa i rui ma payawa ivi baghei. Pirisi Abiata, payawa ghehauhi i verei; payawana yamna God awarina amêamverenana ma i verehi. Raugagayo e ririwa da piripirisi tauhi ava, nai payawana he aniani. David ana tauvotaghotagho maitehi, payawana hi ani ma God egha ita riwa da yamna kauwa apoapoena." 27 Ma Yesu ana riwa au damona i riwa ipa, “God, Sabate i ghohai rava vohaguna aubaina ma egha rava ita ghohai Sabate vohaguna aubaina. 28 Taêu Rava Natuna. Yamna aubaina taêu anina Sabate badana."