Mark 3

1 Mara gheha au Sabate, Yesu i naeme pari au numana ma oroto urana kebekebena i inanai; kampa i tughutughura. 2 Ma Pharisee ghehauhi hi ghohei da Yesu hitavi wavui. Yamna aubaina tauhi hi inana taghotaghonaiyei da hita inanai; apo au Sabate orotona itavi yawahani bo eêegha. 3 Ma Yesu, orotona urana kebekebena i riwei, “Ma neêi au naona ma mahiri." 4 Ma Yesu, rava i rau-bayadehi ipa, “Sabate au marana, metauna kauwana i ahi: ahi bo apoapoe, tanavi yawahana bo tanavi hiraghena?” Tauhi anatapuhi hi genuwana. 5 Yesu ana amoghaighaina i inana viravira. Au baina tauhi, koyahi i bagibagi ma tauna horana i boya kauwei. Yesu, oroto urana kebekebena i riwei ipa, “Uram mavi yoyoi.” Tauna urana ivi yoyoi ma urana i yawahana. 6 Ma Pharisee hi nae Herod ana rava auwarihi, ma ahi oga hi tarai da Yesu me hitavi hiraghenanei. 7 Yesu ana tauvotaghotagho maiteni hita vainameyehi ma hi nae Galili topana au gerahana. Ma rava maghamaghauhi, Yesu aiwaêi i kaukauweiya tuyeghana hi nonori aubaina mai: Judiya, Jerusalem, Idumea ma dobu ghehauhi, Jordan wairana au babagehauna, Tyre ma Sidon; anatapuhi, tauna awarina hi neêi. 9 Yesu, rava maghamaghauhi ivi yawahanihi. Ma yamna aubaina da doridoriahi hivi am-dududu nae; tauna vodadanana aubaina. Tauna egha ita ghohei da hina gariuêumi. Aubaina da ana tauvotaghotagho i riwehi da waga hivo kaukauwei. 11 Maranaina, aruwa-apoapoehi rava au horahi, Yesu hi inainanai. Tauhi, tauna au naona hi peêupeêu ma hi garagarara, “Tam God Natuna." 12 Ma Yesu i rau-gamopotahi da havena tauhi hitavi hegha da tauna aiyaêi. 13 Yesu ana tauvotaghotagho maitehi au oya hi ghae ma kampa oroêoroto ana ghohanei i ghorehi ma hi nae awarina. 14 Oroto 12 i vinehi ma ivi wavahi Apostle. Ma ipa, “A vinemi da maiteêu tana maêae ma muriyai ana paritawanemi rauguguya aubaina." 15 Ma God ana rewapanei aruwa-apoapoehi rava au horahi onavi hopunihi. 16 Tauhi 12 i vinevinehi ahi wava yamna, Simon ivi wavai Peter, 17 ma Zebedi natunatuna James ma ana tevera John, ivi wavahi Boanerges, anona waiparara natunatuna, 18 Andrew, Philip, Bartholomew, Matthew, Thomas, James, Alphaeus natuna, Thaddaeus, Simon tauna Zealot, 19 ma Judas Iscariot tauna, Yesu tau-vibenabename ina. 20 Yesu ana tauvotaghotagho maitehi hi naeme au numa. Ma patara upumahi hi riyehi da tauhi egha tagotagogina da hita am. 21 Ma Yesu ana ghughuni tauna, tuyeghana hi nonori ma hipa, “Tauna i buêuwa.” Yamna aubaina ana ghughuni hi neêi da tauna hita taravaini. 22 Raugagayo Tauviharaharamanahi ghehauhi, Jerusalemei hi nei ma hipa, “Aruwa-apoapoehi ahi bada Beêelzebub, Yesu au horana i rui. Ma yamnei aruwa-apoapoehi evivi hopunihi." 23 Yamna aubaina Yesu, Raugagayo tau-viharaharamanahi i ghorehi ma i awanaêi, ipa, “Menanaêarena ma Satan, aineyana inavi hopuna meyei? 24 Mepa da dobu ravahi hinavi kahakaha ma hinavi ghaviya vivira, yamna dobuna ina peêu. 25 Ma nanaêarena ghughuni hinavi kahakaha ma hinavi ghaviya vivira; nai ghughuni ina peêu. 26 Inapa Satan ana dam hinavi kahakaha ma hinavi ghaviya vivira, apo hina peêu. 27 Taudanene egha tagotagogina da oroto virewapanana ana au numa ina rui ma ana purapura ina danenei. Au naona orotona ghuravei ina raghiraghihi ma muriyai ina danene. 28 Riwa vaimahiei a ririwemi, God, ami ghohaêapoapoe ma ami terevaidegha anatapuhi ina nota tawaneêi. 29 Ma aiyaêi ravana, Aruwa Vivivireina e tereterevaideghei; God apo egha na ravana ina rupeni. Tauna, yamna ghohaêapoapoe maemae vavahaghana i ghohai." 30 Yesu wenanaêarena i babani, aubaina tauna, Aruwa Vivivireinei aruwa-apoapoehi ivivi hopunihi ma rava hipa “Tauna, aruwa-apoapoena i ruini." 31 Yesu ayona ma varevarehina hi nei da au dowa hi mahimahiri ma riwa hi pari-tawaneêi da tauna ita nei tauhi auwarihi. 32 Ma patara, tauna hi tughura kwaviviroi ma tauhi, Yesu hi riwei hipa, “U nonori! Ayom ma varevarehim au dowa ma he ghoheghohem." 33 Yesu i pari-beyehi ipa, “Aiyaêi ayoêu ma varevarehiu?" 34 Anina ma Yesu, tauhi hi tughutughura i inanahi ma ipa, “Ona inana! We tauhi ayoêu ma varevarehiu! 35 Aiyaêi God ana ghohana e kaukauweiya tauna, ayoêu, novuêu ma varehiu."