Mark 4

1 Yesu iviâ¼haraharamanihi au wagaYesu, viharaharamana ivi karena meyei Galili topana au gerahana. Ma rava maghamaghauhi hi neêi da hita rau-tanighanei. Patara i magha guratana, aubaina tauna au waga i geru, i tughura ma waga hivo dudu-hopuneêi au topa ma patara au geraha hi maêae. 2 Ghoha maghamaghauhi awanaêineêi ivi haraharamanihi. 3 Tauna awanaêineêi i riwehi ipa, “Ona rau-tanighana! Tauvao ana vaovao i ghohai ma pehi i ravi-hawari. 4 Pehi ghehauhi au eta hi peêu ma kiu i neêi da i anihi. 5 Ma pehi ghehauhi dowa au vighaêighaêimana hi peêu mepa dowa i habuhaburuyana ma mara tagogi hi gogo. 6 Ma marainana madegha i rararana, mara tagogi tauhi he poêipoêi, weêi aubaina waramihi egha hita rui guratana dowa au horana. 7 Pehi ghehauhi dowa au modumoduna ma vividonadonana i ravihawari. Pehihi hi gogo ma donadona i yavanihi da egha hita rau-ano. 8 Ma pehi ghehauhi dowa au ahiêahina i ravi-hauwarihi ma hi gogo kauwa ma hi rau-ano da ghehauhi 30, ghehauhi 60 ma ghehauhi 100." 9 Yesu i riwa ipa, “Tanighami, ina maêamaêae yamna ona rau-tanighana." 10 Maranaina Yesu tau avana i maêamaêae, ana tauvotaghotagho ma rava ghehauhi hi neêi da hivi baghai da awanaina dededena anona itavi heghehi. 11 Ma Yesu i pari-beyehi ipa, “God ana vibadana dededena, taumi marina avivi heghemi. Ma rava au uputa maemaehi, nonora maghamaghauhi awanaêinei he nononora. 12 Yamna aubaina: ‘Tauhi he inainana ma he inainana ma egha hita inainanaêi. Tauhi he rau-rautanighana ma he rau-rautanighana ma egha hita haraharamanei. Tauhi hita inanaêi ma hita haramaneêi, apo hita amvereyana meyehi God awarina ma tauna ahi ghohaêapoapoe ita nota-tawanei.’” (Isa 6:9-10) 13 Yesu i rau-bayadehi, “Moina, weêi awanaêinana egha ota haramanei? Awanaina ghehauhi apo me ona haramanei? 14 Tauvao, God riwana e pahepahewi. 15 Rava ghehauhi yana me etanai ma pehi au tepahi e raviravihauwarihi. Riwa he nonori, wate Satan e tamatamavivirihi. 16 Rava ghehauhi horahi, yana we nanaêarena, tauvao dowa au vikirakirana pehi e raviravihawari. Marainana riwa he nononori, yamna riwana he teretereriyei ma hevivi nuwaêahiahi. 17 Tagogi naêi riwana egha au horahi ita maemae-nonowa. Marainana rava vivitumaghanaeghahi he rau-iviêapoapoeyehi, yamna yaghiyaghina ava he deghadegha. 18 Rava ghehauhi horahi, yamna me pehi, modu au vidonadonahi he raviravihauwarihi. Tauhi riwa he nonori, 19 wate weêi dobuna ana yawahana nuwaboyana, ana viguyau morumoruna ma ana raughoghara maghamaghauhi riwana evivi tapiai da egha ita raurauano. 20 Wate rava ghehauhi horahi, yamna me pehi, dowa au ahiêahina he raviravihauwarihi. Tauhi yamna, riwa he nonori ma he vaivaini da he raurauano: ghehauhi 30, ghehauhi 60 ma ghehauhi 100." 21 Yesu i am dabi ipa, “Aiyaêi ravana, rampa e ruiruiyei da au gabaêura bo au rauraugovaghana e tereterei? Eêegha da ana au anitake evivi hanai. 22 Aiwaêi riwana rauraugovaghana, yamna ina rau-gheêegheêetei ma aiwaêi riwana humahumana, yamna ina wana-tawatawanei. 23 Ina pa ona rau-tanighana vaimahi, yamna ona nota tuhaghai." 24 Tauna maiteni i riwehi, ipa, “Aiwaêi o nononoriya, ona nota-vaimahiei. Am nota-vaimaiha ruvanei inavi kahaim ma ina rau-tepani. 25 Tauhi aiwaêi auwarihi, yamna ghehauhi ina rau-tepani. Ma tauhi egha aiwaêi auwarihi, yamna aiwaêi haburuna hi vaivainiya ina vaina-tawanana pahiyei." 26 Yesu i amdabi ipa, “Weêi dededena, yamna God ana vibadana ghohana inanana, me nanaêarena. Oroto, witi pehina ana au vaovao i pahewi. 27 Tauna waguvara eêenoeno ma madeghai ana ghohaghohana ghehauhi e ghohaghohahi ma ana pehina yamna mara nonowa e gogogo. Tauna egha ita haramanei me pehina e gogogonei. 28 Tano tau avana e ghohai da e gogogo ma anona e tereterei. Au naona e rau-pairei, muriyai borina e teretereêi. Anina ma e roverove da e rau-ano. 29 Marainana anona e magumagura, yamna oroto e amêam-tuêaruta." 30 Yesu i rau-bayada, “God ana vibadana inanana me nanaêarena? Aiwaêi dededenei apo tana parivai-etaêetai? 31 Eyagi pehina, yamna me gaga porana muhomuhohi; ma rava he vaghovaghoi. 32 Marainana e gogo, yamna e raêaraêata da ragharaghana e tereterei. Ma kiu ragharaghana au ghoêuna he rau-rau numa." 33 Yesu, awanaina maghamaghauna ana au dede i rau-guguyei da tauhi hita nota-tuhaghai, ahi nota au ruvana. 34 Tauhi, awanaêineêi ava auwarihi ivi haraharamana ma marainana tauna, ana tauvotaghotagho maitehi tauhi ava, yamna awanaina ano ohohina e ririwehi. 35 Madeghana tagogina au bigaina, Yesu ana tauvotaghotagho i riwehi ipa, “Tana damana Galili topana au tupoghehauna." 36 Tauna au waga i maêamaêae ma tauhi hi geru da maiteni hi nae. Tauhi, rava boruhi hivo terehi ma hi damana, waga ghehauhi maitehi kampa. 37 Hive ghaeghaena i towa, yaghina waga i raviravi ma niu waga i howahowai. 38 Yesu, unuêununa au unutana i terei ma waga au murina i enoeno. Ana tauvotaghotagho hi ravi-dagudagui ma hipa, “Tauviharaharamana, tauta tana hiraghe ma tam aiwaêi e notanotaêi?" 39 Tauna ivo mahiri ma hive i riwei ipa, “Ma rautautau!” Ma yaghina i riwei ipa, “Ma genuwana!” Hive i wanautuini ma daumora i eno. 40 Yesu i riwehi ipa, “Aiwaêi aubaina o rovorovo? Aiwaêi aubaina egha otavi tumaghana?" 41 Tauhi hi baheêi ma hivi tarapiri vivira, “Tauna aiyaêi da hive ma yaghina maitehi hivi ponavowehi?"