MIHANGU 20

1 Buna yaÌmanisa mvwalangani, Pholu waÌtedisa balonguki; kunima dya kubasyamisa, waÌbaheka mboti ya tsuka ndangu kenda ku Masetwani. 2 Buna kaÌlutila muna kinzunga meni kina, waÌtomasyamisa batu kwakuna, kunima weÌnda ku Ngelesi. 3 KaÌzakala ngonda tatu kwakuna, muna tangwa dina kaÌzola kukota mu masuwa ndangu kalabuka ku Sidiya, waÌyuka ni Bayuta baÌmukasidi kifwandu; amana waÌbonga lukanu lwa kuvutukila muna nzila ya Masetwani. 4 HaÌkala yi batu benda musindikila : Sophatela, mwana Philusi, mwisi Bele, Adisitadiki, Sekundusi mwisi Tesalonika, Kayusi mwisi Telebi, Thimoti, Tisiki yi Thofima bisi Aziya. 5 Baba-baba batekila kwenda, amana baÌtuhingila kuna Thowasi. 6 Kwena betu phi, kunima kilumbu kya mapha makonda muvimbu, twaÌlabuka tukidila ku Fidiphu. Kunima bilumbu bitanu, tubawani kuna Thowasi, kwakuna, twaÌnanga bilumbu tsambwadi. 7 Muna kilumbu kyatheti kya phosa , twaÌkala bakutakana muna masikidika kikuma kya kubukuna dipha. Pholu, yandi mutu waÌkana ni kenda mu kilumbu kyalanda, kakala yambila yi batu baÌkala mu kimvuka. Amana waÌleyisa kinzonzi tii yi muna kati kya phipha. 8 Mwinda mya lawu myaÌkala ku mwanza wa ku zilu kuna twaÌkala bakutakana. 9 Kaasi ngunza mosi waÌkala hana wazakala hana thandu ya nela, khumbu yandi Etiki. Hanga kilu kyamuluku-luku kimukwati muna tangwa dina kakala zonza Pholu; waÌhukumuka ku kilu, waÌtukidila kuna nzu ya tatu ya ku londi, wudilembini hana tsi. Buna benda ni bamuvumbula, baÌmuwana wufi kedi. 10 Hanga Pholu wukulumukini, waÌzenzama hana kaÌkala amana waÌmuzangula muna moku mandi; kunima wuzimbudi: «Lubangaku! Wamoya kenina!» 11 Tangwa kaÌtombuka, waÌbukuna dipha kikuma kya kudya, kunima kaÌzonza hika tangwa dya kaleyi yikuna kwakhyela kuma, kunima dya bwana, weÌnda. 12 BaÌmunata ngunza wuna wamoya, bwaÌhana kikesa kya lawu. 13 Kikuma kya betu, hanga thwendi theti mu masuwa yi kuna Asosi, kuna twafwana ni twamubongila Pholu. Yibwana kaÌyidika, kikuma kazola ni kendila mu nzila ya mukhidi. 14 Buna katuwana ku Asosi, twaÌmukotisa mu masuwa amana thweÌnda ku Miteleni. 15 Tuka kwakuna, twaÌkangala mu yanga dya mbuta amana kilumbu kyaÌlanda, twaÌtula ku thwala Kiyo. Kilumbu kyalanda tutudi ku Samosi, amana ha kilumbu kyaÌlanda , twaÌtula ku Mile. 16 Kikuma, Pholu kaÌkana ni kalutila ku kabeta ka Efesu, ndangu kalutisaku tangwa dyakhatu mu Aziya. Tswalu kakala kwenda ndangu katula ku Yelusalemi mu kilumbu kya Phandikoti. 17 Buna baÌkala hana Mile, Pholu waÌtuma ni babatedisa malemba ku Efesu. 18 Buna baÌtula kuna kaÌkala yandi, wubazimbwadi: «Luzayibya mboti, benu, bikalulu byama ku thwala ya benu, tangwa dyosu, tuka kilumbu kyatheti, tangwa yidyata mu kinzunga kya Aziya. 19 YiÌmusadila Pfumu, mu kudikulumuna, mu matsanga, ha kati dya bimeka bina byaÌndatina bifwandu bya Bayuta. 20 Konda kusweka kima, yiÌlusamwana amana yiÌlulonga moosu mana menina mupfunu, ku thwala ya batu boosu yi muna nzu zenu. 21 YiÌbatendwala Bayuta yi Bangeleki ndangu basoba bikalulu, badihana kwena Nzambi amana bakwikila mwena Pfumu Yesu. 22 Buthwena, meni wakukasa yenina kwena Kitembu, yendi ku Yelusalemi, konda kuzaya mana makwenda mbwila kwakuna. 23 Kaasi nzayi kwama ni muna kosu mbanza yina, Kitembu kyatoma kisi tekilatsongila ni miyololu yi kiwayi bibati phingila kwakuna. 24 Kaasi meni luzingu lwama luhitiku mupfunu lawu. Kima kingyenina mupfunu lawu kutula yi kuna tsuka ya kisalu kyama yi kiyeka kaÌpheka Pfumu Yesu: mu kuta kimbangi kya Musamu wa Bukheti wa khenda za Nzambi. 25 «Buthwena nzayi mboti ni, meni, lwambonaku hika, benu boosu muna yiÌhitila mu kulonga Kipfumu kya Nzambi. 26 Ihana ni thambwasibwa lelu kwena benu: wakasemi kwama yenina muna menga ma benu boosu. 27 Mukuma yiÌlusamwana moosu mana kaÌzenga Nzambi, konda kuluswekila kima. 28 Dikengenu benu-benu yi kwena kibuka kya mikoku mina kaÌluhekila Kitembu Kyatoma khumbu ya bamvungi ba mikoku. Lundenu Dibundu dya Nzambi, dina kaÌsumba mu menga mandi. 29 Nzayi mboti meni, ni kunima dya kwenda kwama, bakwisa kota hana kati dya benu bambwa-ngongu ba nganzi bana banyoÌkuna kibuka kya mikoku. 30 Amana mu kati dya benu, bateÌlama batu bahika bakwata zonza mambu ma luvunu ndangu bahungula balonguki kwena bawu. 31 Yihana ni kengilenu, lwabambuka phi ni mu mvula tatu, phipha yi mwini, mu matsanga, yikalaku lembwa mu kululwengisa, kosu mutu, mana makwiÌsa ku thwala. 32 «Amana buthwena, yilusisi mu moku ma Nzambi yi muna ndinga ya khenda zandi. Yina yenina yi ngolu za kutunga yi kuhana bima bya bukheti kwena bana benina ba yandi. 33 YiÌnekaku keti mbongu, keti wolu keti miledi mya mutu. 34 Luzayibwa benu-benu: moku mama matsadisini mu kuvwa bima byosu yiÌkala byawu mupfunu yi kwena banduku bama. 35 Mu moosu, yiÌlulonga ni mu kusala bwabuna lwabaÌsadisila baphutu, mu kuyindulaka ndinga za Pfumu Yesu, yandi waÌzimbula yandi meni: “Kyesi kya lawu kyisi kala mu kukaba, keku ni mu kubonga!"» 36 Kunima kuzonza bwabuna, waÌfukama kikuma kya kulombila ha kimosi yi bawu boosu. 37 Boosu mu bidilu, baÌmubumbakana Pholu amana baÌmuyamba. 38 Kyadi kya lawu baÌkala kyawu, kikuma kaÌbazimbwala ni bamuÌmonaku hika. Kunima beÌnda musindikila yikuna masuwa.