MATHAYI 3

1 Kunima mvula za lawu, waÌtula Yowani Mubotiki, kakala samuna muna nganga ya Yuteya amana wekina zimbula: 2 «Balumunenu mbundu, mukuma Kipfumu kya mazilu kibwesukini .» 3 Kinga yandu kenina wuna kaÌzonzila mbikudi Yesaya: «Ndinga mosi yibati kalunga muna nganga: Yidikenu nzila ya Pfumu , sungikenu mikinda myandi.» 4 Yandi Yowani kaÌkala yi muledi wa mwika mya kamela amana kakala vwata mukaba wa tsibu muna mbunda; kakala dya baphasu yi bwiki bwa mu tseki . 5 Bisi Yelusalemi yi bisi Yuteya yi bisi mulambu wuna wosu wa kinzunga kya Yolutani, bakala kwenda kwena yandi. 6 Amana bakala babotika muna nzadi Yolutani bwabuna baÌkala funguna masumu ma bawu. 7 Amana bwosu kaÌmona lawu dya Bafwadisi yi Basadise bakala kwisa ku mbotika ya yandi, kikuma kya kubotama; amana wubazimbwadini: «Mbandu ya masawa! Nati wululongisidi mu kutina kyana, khabu za Nzambi zazi zakwiÌsa? 8 Songilenu mu bibundu bya bukheti ni lusobini bikalulu byenu; 9 amana lubanzaku mu kudizonzilaka: “Thwenina yi tata wetu Bulahami “. Mukuma, mbati luzimbwala ni Nzambi wufwani, muna matadi mama, kukitula bana ba Bulahami! 10 Amana kisoka kya kusikula kedi kyenina hana sina dya miti: disongidila miti wosu wuna wisiku ha kibundu kya bukheti bakwaÌngawa amana baloÌsawa ku mbawu. 11 Meni, mbati lubotika mu mamba, mu kusongila ni lubalumuni mbundu; kaasi wuna wisi kwisa ku manima ma meni, wunduti meni mu ngolu, yeku walunga mu kumuwomuna tsabatu zandi, kaluÌbotika mu Kitembu kyatoma yi mu mbawu. 12 Kenina yi muyungulu hana koku dyandi kikuma kya kuhambula ngenza yi tswala; kasoÌla ngenza za bukheti, wulumbikiza muna khila, kaasi kayoÌka tswala mu mbawu yina yisiku zima .» 13 Hanga Yesu wutuki ku Ngadidi yi kuna nzadi Yolutani; wenda kwena Yowani ndangu bamubotika kwena yandi. 14 Yowani waÌbwisabwa amana waÌmuzimbwala: «Meni yenina yi mupfunu wa kubotama kwena ngeyi amana ngeyi wisi kwena meni!» 15 Kaasi Yesu waÌmuvutwala: «Yambula bwahangama bwabuna mu tangwa dyadi. Mukuma muna phila meni yayina twaluÌngisila mambu moosu mana kabati lomba Nzambi.» Hanga yandi wutambwasi. 16 Amana buna kaÌbotama Yesu, waÌlubuka mu mamba. Muna tangwa meni dyadina, mazilu maÌkanguka: waÌmona Kitembu wa Nzambi kukulumuka hanga yembi amana wisi hana thandu ya yandi. 17 Ndinga mosi yaÌtuka ku zilu yizonzi: «Yandu kenina Mwana wa meni watondama; mwena yandi tsidini kyesi kyama.»