MATHAYI 4

1 Hanga Yesu bamunatisi, kwena Kitembu, muna nganga, ndangu bamuhukumuna kwena kiphidi-mutu . 2 Amana kunima kuzila kudya bilumbu makumaya bya mwini yi phipha makumaya, waÌyuka nzala. 3 Amana muhukumuni wisa bwesuka, waÌmuzimbwala: «Yukani Mwana wa Nzambi wenina, zimbula kwena matadi mama, makituka mapha.» 4 Amana, yandi waÌmuvutwala: «Tala mana maÌsonama: “Mutu kazingilaku mu madya lwesi, kaasi mu ndinga yosu yina yisi lubuka mu munwa wa Nzambi”.» 5 Hanga Kiphidi-Mutu wumunati ku Yelusalemi, mbanza yatoma, wumunenginiki hana kisoka kya mudilu wa nzu ya Nzambi, 6 amana wumuzimbwadi: «Yukani Mwana wa Nzambi wenina, tsutsuka ha tsi, mukuma tala mana masonama:» “Kahana kwena banzyo bandi miswa kikuma kya ngeyi, amana bakwisa kuyaka muna moku ma bawu, ndangu kitambi kyaku kidikhukulaku ku tadi dimosi." 7 Yesu wumuvutwadi: «Tala mana maÌsonama hika: “Wamekaku Pfumu, Nzambi waku."» 8 Kiphidi-mutu waÌmunata hika ha mongu wa kaleyi lawu, waÌmusongila bipfumu byosu bya tsi yi khembu ya byawu, 9 amana wumuzimbwadi: «Yikuheka bima bina byosu, yuka ni wabwa mu bitambi byama mu kufukama ku thwala meni.» 10 Hanga Yesu wumuzimbwadi: «Katuka Satana! Mukuma tala mana maÌsonama: “Ku thwala Pfumu, Nzambi waku, lwesi wafuÌkama amana yandi lwesi wasaÌmbila."» 11 Hanga kiphidi-mutu wumusisi. Amana banzyo baÌbwesuka amana bekina musadila. 12 Amana buna kaÌyuka ni Yowani bamulambudi, hanga waÌyombuka ku Ngadidi. 13 Amana waÌkatuka ku Nazaleti, wenda kala ku Kafadinawumu, ku mukinda wa yanga dya mbuta, muna milambu mya Zabuloni yi Nefutadi. 14 Ndangu dyalungila dyambu dina baÌzimbula mwena mbikudi Yesaya: 15 «Tsi ya Zabuloni, tsi ya Nefutadi, mukinda wa nzadi, yi kuna sambwa dya Yolutani, Ngadidi ya makanda ma batu! 16 Kanda dina dyaÌkala mu phipha, dimoni mutemu wa lawu! Yi kwena bana baÌzakala mu kinzunga yi mu kivula kya lufwa, mutemu wumosi wumoniki kwena bawu!» 17 Tuka tangwa meni dina, Yesu waÌyandika kusamuna yi kulonga: «Balumunenu mbundu zenu mukuma Kipfumu kya mazilu kibwesukini!» 18 Amana Yesu buna kakala kangala muna mukinda wa yanga dya Ngadidi, waÌmona baphangi bodi, Simoni, wuna bisi tela Phetelu, yi Andele myaki wandi; bakala losa wanda dimosi muna yanga dya mbuta, mukuma balobi baÌkala. 19 Hanga wubazimbwadi: «Alwisa ndanda, amana yilukitula balobi ba batu.» 20 Amana bawu, muna mbala mosi, baÌsisa mawanda, benda mulanda. 21 Amana buna kaphusana, waÌmona baphangi bahika bodi, Zyaki mwana wa Zebeteya yi Yowani, phangi wandi, baÌkala muna mudimba yi tata wa bawu Zebeteya, bakala yilulula mawanda ma bawu. Yesu wabatela; 22 Amana bawu muna mbala mosi baÌsisa mudimba yi tata wa bawu, amana baÌmulanda. 23 Amana kakala kwenda muna Ngadidi yosu; mu kulonga muna nzu za kimvuka za Bayuta za bawu yi kusamuna Musamu wa Bukheti wa Kipfumu kya mazilu, amana kakala belula maladi moosu yi bimbefu byosu mu kati dya batu. 24 Amana khululuka ya yandi yaÌmwangana mu mulambu wosu wa Sidiya. Amana bakala munatina batu boosu babana baÌkala bela, babana baÌkala yi makhasi ma mutindu yi mutindu yi miyangu mya bitembu bya mbi yi bakwa kikhoni, yi khonzu, amana wubabeludi. 25 Milumba-lumba mya batu bakala mulanda; tuka mu Ngadidi yi kuna mulambu wa Mbanza Kumi yi ku Yelusalemi yi ku Yuteya yi ku sambwa dikwawu dya Yolutani.