MALAKU 3

1 Yesu waÌvutuka hika ku nzu ya kimvuka ya Bayuta. KwaÌkala kwakuna yi mutu mosi waÌkala yi koku dyawokumuka. 2 Batu bakala musimbulula Yesu mu kuzaya kinga kamubelula mu kilumbu kya sabata, balenga mufunda 3 Hanga wuzimbudini kwena mutu wuna waÌkala yi koku dyawokumuka: «Telama hana, ha kati.» 4 Kunima wubazimbwadini: «Biki bilungi mu kusala mu kilumbu kya sabata? Kusala mboti ho mbi? Kuhulula luzingu lwa mutu ho kuzanga?» Kaasi baÌhwena talala. 5 Hanga wubatadini boosu yi khabu; mu kiwayi kikuma kya mbundu ya ngolu ya bawu. Wuzimbudini kwena mutu wuna: «Yuna koku dyaku.» WaÌyunadya, amana koku dyandi dyaÌtoma. 6 Buna baÌlubuka, bafwadisi, benda kutakana yi bakwa kibuka kya Eloti kikuma kya yandi, kikuma kya kusanda phila yina bamuÌhondisila. 7 Yesu wenda hunga ku bela-bela yi yanga dya mbuta kumosi yi balonguki bandi. Mulumba-lumba wa batu lawu baÌmulanda. BaÌtuka ku kinzunga kya Ngadidi, ku kinzunga Yuteya, 8 ku Yelusalemi, ku kinzunga kya Yitumeya kuna Sambwa dya Yolutani dya kinzunga kya Tidi yi Sitoni. Batu balawu meni bana, bisa kwena yandi mukuma baÌyuka moosu mana kakala hanga. 9 Yesu waÌzimbula kwena balonguki bandi ni bamuyidikila masuwa mamosi, ndangu mulumba-lumba wa batu wumulundikisaku. 10 Mukuma, bwosu kakala belula batu balawu, boosu bana baÌkala yi makhasi bakala dilosa kwena yandi ndangu bamusimba. 11 Bitembu bya mbi, tangwa byaÌkala mumona, bakala bwa kuna thwala ya yandi amana bakala kalunga: «Ngeyi wenina Mwana wa Nzambi!» 12 Kaasi yandi waÌkandisabya ni bamenikaku kwena batu keti nati kenina yandi . 13 Yesu waÌtombuka ku mongu; waÌtela bana kaÌzola amana bisa kwena yandi. 14 Kumi yi bodi kaÌbasola, babana kaÌheka khumbu ya bathumwa, ndangu bakala hakimosi yi yandi amana kaÌbatuma mu kusamuna Musamu wa Bukheti, 15 yi hamu dya kukukwasila bitembu bya mbi. 16 KaÌbasola bawu kumi yi bodi: Simoni wuna kaÌheka khumbu ya Phetelu, 17 Zyaki, mwana wa Zebeteya yi Yowani phangi wa Zyaki, kwena bawu kaÌhana khumbu ya Bowanedizi, disongidila: «Mwana wa mubandanu» 18 Andele, Fidiphu, Batolomi, Mathayi, Toma, Zyaki, mwana Alufwe, Thati yi Simoni mwisi kibuka kya bana bisi nwanina diphanda, 19 yi Yutasi Sikadyoti wuna waÌmulambula Yesu. 20 Kunima, Yesu waÌvutuka kuna nzu, amana mulumba-lumba wa batu waÌkhokama hika, mu mutindu wumosi ni bawu balendaku keti kudya. 21 Buna baÌyuka bwabuna, biwutu byandi beÌnda ni bamubonga, mukuma bakala zimbula: «Kabatiku dizaya hika!» 22 Balongi ba mitsiku bana baÌtuka ku Yelusalemi bakala zimbula: «Belezebula kenina yandi, mu ngolu za pfumu wa bitembu bya mbi kisi kukwasila bitembu bya mbi!» 23 Yesu waÌbatela amana waÌyandika mu kubazimbwala mu bingana: «Abweti Satana kalenda kukwasa Satana? 24 Honi kipfumu kimosi kyadikabisa kyawu meni, kipfumu meni kina kyaziÌluka; 25 amana honi nzu yimosi yadikabisa yawu-meni, nzu meni yina yaleÌndaku hika kuzyama. 26 Amana yuka ni Satana kadinwanisa yandi meni, wa kudikabisa kenina amana kazyamaku, yimeni wukulukini kwandi. 27 «Ka mutu ku wakoÌta mu nzu ya yakala-phandi ndangu kamuyiba bima byandi konda katekila mukasa yakala-phandi wuna; amana kunima kalunga tambula byosu mu nzu yandi. 28 Abwabuna yiluzimbwadini: Moosu kaloÌlulama kwena bana ba batu, masumu yi ngusi zina bahitikisini. 29 Kaasi wosu wuna wulewudi Kitembu Kyatoma, kalendaku tambula ndoluka, mukuma wuhodi disumu dimosi dya mvula yi mvula.» 30 Yesu kakala bazonzila bwabuna kikuma bakala zimbula: «Kitembu kya mbi kenina kyawu.» 31 Ngudi wa Yesu yi baphangi bandi batudini. Batelamikini hana phenza, bamutedisini. 32 Batu balawu bakala bazakala mu kabeta ka yandi amana bamuzimbwadini: «Ngudi waku yi baphangi baku ba bayakala yi baphangi baku ba bakhetu ha nzila benina, amana babati kusanda.» 33 Yesu wuvutudi: «Banati ngudi wama yi baphangi bama?» 34 Kunima, waÌsimbulula kwena babana baÌkala bazakala mu kabeta ka yandi, wuzimbudini: «Talenu: ngudi wama yi baphangi bama. 35 Kikuma, wosu wuna wisi hanga luzolu lwa Nzambi, yandi wuna phangi wama wa yakala yi phangi wama wa mukhetu yi ngudi wama.»