MALAKU 4

1 Yesu waÌyandika hika mu kulonga kuna khungu ya yanga dya mbuta. Mulumba-lumba wa batu balawu waÌmuzyeta yandi. Hanga wuzanzi mu masuwa wuzakadini mwamuna. Mulumba-lumba wa batu wosu ku tseki, bela-bela yi yanga dya mbuta. 2 Kakala balonga mambu ma lawu mu bingana amana wekina bazimbwala muna malongi mandi: 3 «Hinikinenu! Mukuni waÌlubuka mu kwenda mwanga mbutu. 4 Buna kakala mwanga kheni, ndambu yahika yenda bwila mu nzila: banuni bisiya dya. 5 Ndambu ya hika yenda bwila muma mwa matadi, muna mwakonda kala mafu ma lawu. Hanga yibufudi tswatsu, kikuma mafu maÌkalaku lawu; 6 kaasi ha kwaÌtwa mwini, yaÌyokama amana yaÌyumuka mukuma yaÌkalaku yi misodi. 7 Yahika yenda bwila ha kati kya tsaku. Tsaku zaÌleya amana zaÌkakidisaya, amana konda kuha keti kheni. 8 Kaasi kheni yikwawu yaÌbwila mu mafu ma bukheti; yaÌmena, yaÌkola phi, ku tsuka yihe kheni: yimosi yaÌlubula makumatatu, yikwawu makumasambanu, yikwawu hika khama .» 9 Amana kakala zimbula: «Wuna wenina yi matu ma kuyukila, kayuka!» 10 Buna kaÌkala kuna phungamu, bana baÌmuzyeta, hakimosi yi bawu kumi yi bodi, baÌyandika mu kumuhyula kikuma kya bingana. 11 Amana kakala bazimbwala: «Kwena benu, kitsweki kya Kipfumu kya Nzambi kyaÌhanamina; kaasi kwena babana benina ku phenza, moosu misi hitila mu bingana, 12 ndangu: «BasiÌmbulula kwa bawu, kaasi bamoÌnaku kima; bahiÌnikina kwa bawu, kaasi babaÌkulaku kima; hanga bavutukisa nana kumanima amana masumu mabaloluka nana.» 13 Yesu wubazimbwadi hika: «Lubatiku bakula kingana kyaki? Amana abweti lwalenda bakula bingana byosu? 14 Mukuni kabati mwanga Ndinga ya Nzambi. 15 Bana benina mu kati kya nzila, mwena bawu yaÌmwanganina Ndinga, kaasi muna kuyukilaya phi Satana wisi katula Ndinga meni yina baÌmwangiki mwena bawu. 16 Amana kwena yina baÌmwanga muna muma mwa matadi, yi batu babana, buna bisi yuka Ndinga, batambwasiya yi kyesi, 17 kaasi beku yi misodi mwena bawu meni, bisi zyama lwesi mu tangwa dimosi; amana yukani kiwayi kondilo munyanga wisa kikuma kya Ndinga ya Nzambi, kyekina kisinza kikuma kya bawu. 18 Yikwawu yina yaÌbwila ha kati kya tsaku; benina babana bisi yuka Ndinga, 19 kaasi phasi za tsi, byesi bya bimvwama bya luvunu yi mabanza mahika ma mutindu yi mutindu bisiya kakidikisa Ndinga, amana yihesiku. 20 Kaasi yahika yina yaÌmwangana mu mafu ma bukheti; benina babana bisi yuka Ndinga ya Nzambi, batambudiya amana yibuti kheni; yimosi makumatatu, yikwawu makumasambanu, yikwawu khama.» 21 Yesu waÌbazimbwala hika: «Mwinda, ku sina dya nzungu ya tuma bisiwa sya kondilo ku tsi ya thangi? Keku ha thandu ya muzanga wa mwinda? 22 Mukuma heku kima kyaswamana, kyakonda zayakana, heku kitsweki kyakonda tunguluka mu kati kya mwini. 23 Honi mutu wenina yi matu ma kuyukila, kayuka!» 24 Kakala bazimbwala hika: «Kebenu mu mana lwisi yuka! Bakwisa lutesila muna kitesu kina lwisi tesila benu-benu; amana bayiÌka hika kikuma kya benu. 25 Mukuma bahaÌna kwena wuna wenina kedi yi kima; kaasi kwena wuna wukondi kima, bamuÌkatula keti kina kenina kyawu.» 26 Yesu kakala zimbula hika: «Phila mosi yi Kipfumu kya Nzambi, kyenina hanga mutu wubati mwanga kheni mu kilanga kyandi. 27 Kanimba kondilo katokama, phipha yi mwini, kheni yisi mena amana yikodi konda kazaya keti khi mutindu. 28 Mafu mabati menisa kheni mawu meni: theti ngwalengi, kunima misambu, tsuka-tsuka mbongu yikodi. 29 Buna kyisi benga kibundu, batambudi mbedi, mukuma tangwa dya kuhelakya dilungidini.» 30 Yesu kakala zimbula hika: «Yi biki twalenda fwanikisa Kipfumu kya Nzambi? Yi khi mutindu wa kingana twalenda fwanikisakya? 31 Kifwanani yi kheni ya tidi, buna batimbudiya muna mafu, yenina kukeya kuluta kheni zoosu za mu mafu. 32 Kaasi buna bakuniya, yileyi, mihandi mikodi kuluta miti myosu myenina mu masamba amana yilubudi mihandi mya mbuta, keti banuni ba ku zilu bafwani kutunga mazamba ma bawu muna tsya kivula kyandi.» 33 Muna lawu dya bingana bya mutindu meni wuna mwa mwamuna Yesu kakala balongila Ndinga ya Nzambi, bwosu buna baÌfwana kuyukila. 34 Kakalaku bazonzisa konda ni kata kingana; kaasi mu kingenga, kakala tendula moosu kwena balonguki bandi. 35 Muna masikidika ma kilumbu meni kina, Yesu wubazimbudi kwena balonguki bandi: «Tulabukenu ku sambwa dina.» 36 Kunima dya kusula mulumba-lumba wa batu, baÌmunata muna masuwa mana kaÌkala. HaÌkala phi yi masuwa mahika hakimosi yi yandi. 37 Kimbongila kimosi kya ngolu kyaÌtukula, makaka menika dibunda kuna masuwa, hanga masuwa mazodi mabasa yi mamba. 38 Yandi wanimba kaÌkala kuna manima ma masuwa, mutwa hana mbumbi ya mutwa. BaÌmutokamisa amana baÌmuzimbwala: «Mulongi, tukulukini amana ngeyi bubatiku kuheka pasi?» 39 Yesu waÌtokama, waÌkaya kimbongila, amana waÌhana muswa kwena yanga dya mbuta: «Kala talala, dibata!» Kimbongila kyaÌdibata amana talala dya lawu dyaÌkota. 40 Kunima Yesu waÌbazimbwala: «Kikuma kya biki lwenina yi bweya bwabuna? Lweku kedi yi lukwikilu?» 41 Hanga kitswi kibakwati, baÌbanga lawu, bakala dizimbwala bawu yi bawu: «Amana nati kenina yandundu, ni keti kimbongila, keti yanga dya mbuta byamulemvukilaka?»