MALAKU 5

1 Kunima Yesu yi balonguki bandi benda ku sambwa dikwawu dya yanga dya mbuta, ku kinzunga kya bisi Ngelasoni . 2 Buna kaÌtuluka mu masuwa, mutu mosi waÌlubuka muna mazyamu , kaÌkala phi wazakama yi kitembu kya mbi wiÌsa kuna thwala ya yandi. 3 Kakala zingila hana kati dya mazyamu, amana keti mutu kaÌlendaku hika kumukasa, keti mu muyololu; 4 Mukuma, mbala za lawu bakala muzitikila mitaku kuna malu yi miyololu muna moku, kaasi kaÌkalamya tabula yi kutolulaka mitaku. Kwakalaku keti mutu wakala yi ngolu za kumulembikila. 5 Kosu tangwa, phipha keti mwini, kakala kangala muna mazyamu yi muna mongu, mu kukalungaka yi kudityonunaka yandi meni ku matadi. 6 Buna kaÌmona Yesu muna kyana; weÌnda thinu, waÌfukama kuna thwala ya yandi, 7 amana waÌkalunga: «Khi dyambu wumvwini ngeyi, Yesu, Mwana wa Nzambi Kahungu? Yikubokwadidini, muna khumbu ya Nzambi, wungyangisaku!» 8 Mukuma Yesu kakala muzimbwala: «Kitembu kya mbi, lubuka mwena mutu yandu!» 9 Kakala muyufula: «Biki khumbu yaku?» Yandi waÌvutula: «Khumbu yama “Khwingi”, mukuma lawu thwenina.» 10 Amana mutu wuna waÌmubokwadila Yesu yi nziki-nziki ni katumaku bitembu bya mbi ku phenza ya kinzunga. 11 Kinga kwaÌkala kwakuna, bela-bela yi mongu, yi kibuka kimosi kyambuta kya bangulu bakala dya . 12 Bitembu bya mbi byaÌmubokwadila: «Tutuma mwena bangulu bana. Tuyambula thwenda kota mwena bawu!» 13 Yesu waÌtambwasabwa. Hanga bitembu bya mbi bilubukini mwena mutu, byenda kota mwena bangulu, amana kibuka kyosu kyaÌdidindumuna muna mungulunga yi kuna yanga dya mbuta. HaÌkala kitesu kya mafunda modi ma bangulu; baÌzyonda muna yanga dya mbuta. 14 Babana bakala hungula bangulu baÌtina, benda nata tsangu muna mbanza yi muna mahata amana batu bisa tala mana maÌhita. 15 Buna baÌtula bela-bela yi Yesu, baÌmona mutu wuna waÌkala yi bitembu bya mbi wazakala, wuvwatikini miledi yi mabanza ma kimutu. Yandi wuna waÌkala wazakama yi khwingi ya bitembu bya mbi hanga baÌyuka bweya. 16 Babana baÌmona mana maÌhita, bakala bamenika mana maÌmubwila mutu wuna waÌkala yi bitembu bya mbi yi meni dya bangulu. 17 Hanga bayandikini mu kubokwadila Yesu ni kakatuka mu kinzunga kya bawu. 18 Buna kakala kota mu masuwa, mutu wuna baÌlubula bitembu bya mbi waÌmubokwadila ndangu kakalaka yi yandi. 19 Kaasi Yesu kaÌtambwasaku, wumuzimbwadini: «Vutuka ku nzu yaku, kwena biwutu byaku amana wabaÌmenika moosu mamana kakuhangidini Pfumu yi buna kakuyukidini kiwayi.» 20 WeÌnda kwandi amana waÌyandika mu kusamuna muna Mbanza kumi moosu mana kaÌhanga Yesu kikuma kya yandi. Amana boosu baÌyituka lawu. 21 Yesu waÌvutwakisa hika ku sambwa dikwawu dya yanga dya mbuta muna masuwa. Mulumba-lumba wa batu lawu bisa wongama bela-bela yi yandi. Ku khungu ya yanga dya mbuta kaÌkala. 22 Mosi wa bapfumu ba nzu ya kimvuka ya Bayuta, khumbu yandi Zayilusi, waÌtula. Buna kaÌmona Yesu, waÌbwa muna malu mandi 23 amana waÌmubokwadila lawu: «Mwana wama wa mukhetu mu kulakana kenina. Awisa, muthetika moku ndangu kabeluka amana kazinga!» 24 Yesu weÌnda hakimosi yi yandi. Mulumba-lumba wumosi wa batu balawu bakala mulanda yi kumufitikisaka tselu yi tselu. 25 Kinga haÌkala hakana yi mukhetu mosi wakala noka menga tukidila mvula kumi yi zodi. 26 KaÌnyokuka lawu mu kukwendaka kwena bandomvi balawu, amana, waÌmanisa kuvwa kwandi kwosu konda kutambula ndandu; kaasi phasi zakala muvula hika. 27 Buna kaÌyuka kuzonzila Yesu, wiÌsa bwesuka muna mulumba-lumba wa batu, kuna kunda dya Yesu, waÌsimba muledi wandi. 28 Mukuma kakala dizimbwala: «Yukani yisimba lwesi myawu meni miledi myandi, yiÌkola.» 29 Muna mbala mosi, menga maÌmukangama amana waÌdiyuka muna lutu lwandi, ni wukodi mu makhasi mandi. 30 Muna mbala mosi, Yesu waÌdiyuka mwena yandi-meni ni ngolu zimosi zimulubukini. Kahanga wubalungini muna mulumba-lumba wa batu amana wuyandikini mu kuzimbula: «Nati wusimbi miledi myama?» 31 Balonguki bandi bamuzimbwadini: «Wubati mona mulumba-lumba wa batu baba babati kufitikisa tselu yi tselu, amana wubati zimbula hika: “Nati wutsimbini?"» 32 Kaasi kakala simbulula muna kabeta ka yandi mu kumona wuna waÌhanga bwabuna. 33 Mukhetu wuna, bwosu kaÌzaya mana maÌmubwila, yi tsula yosu, wisa bwa muna malu mandi hanga wumuzimbwadi kyedika kyosu. 34 Kaasi Yesu wumuzimbwadini: «Mwana wama wa mukhetu, lukwikilu lwaku lukuhuludini . Ndawenda mu ngemba amana kola mu makhasi maku.» 35 Muna tangwa dina kakala zonza bwabuna, kutala batu baÌtuka ku nzu ya Zayilusi bisi zimbula: «Mwana waku wa mukhetu wufini. Kikuma kya biki wubati muyangisila hika Mulongi?» 36 Kaasi Yesu kaÌlandaku mana bakala zonza, waÌzimbula kwena Zayilusi: «Wuyukaku bweya, kwikila lwesi.» 37 Kaasi Yesu kaÌtambwasaku ni benda musindikila kwena mutu, kwena Phetelu lwesi, Zyaki yi Yowani phangi wa yakala wa Zyaki. 38 Ha baÌtula ku nzu ya Zayilusi; kwakuna, waÌmona mvwalangani, batu babati dila yi kukalungaka mu miboku. 39 WaÌkota amana waÌbazimbwala: «Kikuma kya biki mvwalangani yayi yi bidilu byabi? Mwana kafiku, wunimbiki .» 40 Bawu bakala museya. Kaasi yandi waÌbakukwasa boosu, wutambudi lwesi tata yi ngudi wa mwana, yi balonguki bana bakala musindikila; amana waÌkota muna kaÌkala mwana. 41 Yesu waÌmusimba mwana kuna koku amana wumuzimbwadi: « Tadita kum!» Disongidila: «Mwana wa mukhetu, yikuzimbwadibwa, telama!» 42 Muna mbala mosi, mwana wa mukhetu waÌtelama amana waÌyandika kukangala; mvula kumi yi zodi kaÌkala zawu. Mabanza maÌbavwalangana boosu. 43 Kaasi Yesu waÌtoma bakandisa ni keti mutu kazayabwoku, amana wuzimbudini: «Muhekenu bima bya kudya.»