1 Timoteo 5
TBL1 La riêilu nú quiêyaê tucu bene enu unguxu uniê bezeteê nzeêca lulla tucu nú necalla xi neca paêlu, nu bee bene enu nereêneê udeêteê bezeteê nzeêca lubeei tucu nú neca beei xi neca bichilu. 2 Leêca uniê bezeteê nzeêca lubee unaêa enu unguxu tucu nú neca beella xi neca naêlu, nu bee unaêa enu nereêneê, uniê bezeteê nzeêca lu beenchu tucu nú neca beenchu xi neca zanalu, nu la zaê arquiêlu nú necha neca lu beenchu. 3 Uriêi elietsa lubee unaêa zaqui enu lecaêti nuê. 4 Pero tunu tucu unaêa zaqui enu rluêcu enduê urre lliêñi acaa, liêibeei rquiêña nú rluti acabeei enu biêya bee beneê beei nu riêibeei elietsa lulla para nú ixiu beei nu uriêi ruêcu paê beei cuna naê beei liêibeei, xne nucuaê neca nzeêca, nu scua riuê arquiê Diose. 5 Unaêa zaqui enu neli nú lecaê tinuê, nchiucuêtsia arquiêlla Diose nu la tsuxella rnacuêlla lunu nu sequieella lunu bichia si rulaê. 6 Pero unaêa zaqui enu nehuañitsia lunú riuêtsia arquiê lunú necha neca, neca xi neca nú ungutilanchu xne la llucuê arquiênchu Diose. 7 Udixiuleêe bee nucuaê lubee bene enu nzeli arquiê Jesucristo, para nú la zeêta bee bene liêibeella. 8 Xne bene enu la riêi elietsa lusaê, nu niê lubee bene niêlla la riêilla elietsalu, liêilla utsanaê arquiêlalla lunú nzeli arquiêlla Jesucristoê nu scua másela necha necalla lunú neca bee bene enu la chili arquiê Jesucristo. 9 Unaêa zaqui enu zucuichi para nú riêihua elietsalu, rquiêña nú necalla enu nza máse de sesenta lana cuna nú lá luêculla stucu niyu diqui nú nehuañi niyuêlla. 10 Leêca rquiêña nú nuêlu bee bene liêilla nú uriêilla ye beenú neca nzeêca, cuna nú uriêi ruêcu nzeêcalla bee enduêlla, nu udeteêlla elu aêtse bee bene niêlla nu uriêi nzeêcalla lubee bene enu nzeli arquiê Jesucristo enu rriña niêlla. Nu uriêilla elietsa lubee bene enu nehuana seca. Cuna nú uzucuêlulla nú uriêilla ye nú neca nzeêca. 11 Pero bee unaêa zaqui enu nereêne’lá la quiêña nú zucuê ichilu beenchu, xne luego niarquiê beenchu nú chia zeca beenchu nu la riaê beenchu tucu nú riala nú sibiê beenchu lu Jesucristo. 12 Che rriêi beenchu dula, xne la tsaêalu beenchu lunú ucuaqui beenchu lu Jesucristo. 13 Leêca bee unaêa cuaê enzetsia beenchu niêi por niêi bee bene, nu rnaêtse custumbre beenchu nú lecaxi riêi beenchu, nu la riêi beenchu nucuaêtsia, leêca neca beenchu enu rni lu cuendaê bee bene. Nu riuêu beenchu lu ye nú la yala chuêu beenchu nu rni beenchu lunú la yala ni beenchu. 14 Enzeêe niarquia nú mejora chia zeca bee unaêa zaqui enu nereêneêlá cuna nú luêcu beenchu enduê, nu nibiyaê nzeêca beenchu niêi beenchu tucu nú rialane para nú la chuêu nú zeêta bee bene enu rlee luaêahua liaêahua. 15 Xne nuê bee unaêa zaqui enu utsanaê arquiêla inziuê Diose nu nzequie beenchu inziuê bezeêlu. 16 Tunu tucu bene enu nzeli arquiê Jesucristo rluêcu beella leta bee familiaê beella tucu unaêa zaqui, liêibeella rquiêña nú riêi beella elietsa lu unaêa zeêe, para nú la aca nucuaê tucu yuhuaê para bee saêahua enu nzeli arquiê Jesucristo, nu scua nuê modo riêi beella elietsa lubee unaêa zaqui enu neli lecaê tinuê. 17 Bee bene enu rnibiyaê lubee bene enu nzeli arquiê Jesucristo cuna bee bene enu seteê Stichiaê Diose nu rnibeella tucu nú rialane, rquiêña nú chiquiê luêcu bee beneê Diose ulaêna lubee benecuaê cuna nú deteê beella ye lunú quiêña bee benecuaê. 18 Xne lu ichiê Stichiaê Diose rni: “La duêlu ixiu lliêi uênaê chenu rriêà riñaê.” Leêca rni lu ichiê Stichiaê Diose: “Bene enu rriêi riñaê rquiêña nú yaxulla." 19 La chili arquiêlu lunú rni bee bene enu nuê xi rricuê quiya tucu bene enu rnibiyaê lubee bene enu nzeli arquiê Jesucristo, tunu leca chiucu chuna testigo enu ni nú neli neca nú rni bene lu cuendaêlla. 20 Pero tunu tucu bene enu rnibiyaê nzeriêilá dula rquiêña nú riêilu nú quiêyaêlla ante lu ye bee bene enu nzeli arquiê Jesucristo, para nú lliqui beelá beella. 21 Lu Diose, cuna lu Jesucristo nu lubee ángele enu ucañinu, nia lulu nu la zañiêlu uriêi tucu nú unilá lulu, nu la cañilu xa rriêilu lubee bene uriêi tucunecatse lu ye bee bene. 22 La lialaêlu nú chu cañilu tucu bene enu nibiyaê, xne la riêilu beyaê tunu rriêi benecuaê tucu nú necha neca chequie ni bee bene nú leêca nuulu riuê arquiêlu tucu nú rriêilla. Ubiêya liêilu lu cuendaê ye dula. 23 Lu nú siempre riti xlaêculu xne la neca nzeêca xlaêculu, la hueêlu inza tsia, hueêlu lleêna biñu. 24 Nuê bee bene enu luego achee dula nú rriêilla ante nú chiuêlue lu cuendaêlla lu Diose, pero nuê bee bene enu la aca achee dula nú rriêi, hasta bichia chenu chiuêlue lu cuendaêlla ante Diose. 25 Leêca scua nuê bee bene enu luego achee lunú neca nzeêca rriêilla nu nuê bee bene enu la aca chee nú neca nzeêca rriêi pero riña bichia nu acabiyaê bee bene bee nucuaê.