Romanos 10

1 Bee saêa enu nzeli arquiaêahua Jesucristo, chiquiê rnacua lu Diose nú tsilaêa bee bene Israel. 2 Xne liêá nediyaa nú chiquiê rlaêna beella nú zibiê beella lu Diose. Pero la riêibeella beyaê xneca riêibeella. 3 Xne la zela beella chili arquiêbeella tucu nú rialane para nú riêi Diose perdona beella sino que nzenalatsia beella tucu nú nzeli arquiêbeella nú aca perdona beella, luhuare nú riêi beella tucu nú niarquiê Diose para nú riêi Diose perdona beella. 4 Xne equie cuendaê Jesucristo ulaxu nú rnibiyaê leyê Moisés lubee bene, nu nee bee bene enu chili arquiê Diose uriêilanu perdona liêibeella. 5 Pero bee bene enu niarquiê nú huañi sin dula lu iliulabequieê equie nú nzenala beella leyê Moisés unii nú bene enu rriêi ye nú rnibiyaê ley luêculla elunehuañi mientra nú sucuêlla ley. 6 Pero lunú uriêi Diose perdona bene necane lunú uchili arquiêlla Jesucristo nu la yalaê riêilla elliebacuê: “¿Ti aca quiee liñibe?” Xne chenu rriêi bene elliebacuê scua niarquiê bene nú lañiêlla nú laca Jesucristo lu iliulabe. 7 “Leêca la yala nilla: ¿Ti aca cha elu nuê bee benenguti?” Xne chenu rnilla scua niarquiêlla nú lañiêlla nú huañi zeca Jesucristo leta bee benenguti. 8 Pero lu ichiê Stichiaê Diose rni: “Axu nzu Stichiaê Diose lulu, rriêitsia nú niilu nu riêilu elliebacuê tunu chili arquiêlue.” Xne lunú rixiuleêeru lubee bene necane nú xneca chili arquiê beella, nu singuie necane. 9 Tunu liêilu nilu nú Jesucristo neca enu rnibiyaê lulu nu diquinuê arquiêlu chili arquiêlu nú Diose uriêi nú uhuañinu lu eluti, che tsilaêalu. 10 Xne desde hora nú diquiênu arquiê bene nzeli arquiê bene Jesucristo che utsilaêalla. Nu chenu ni bene nú Jesucristo neca enu rnibiyaê lulla che tsilaêalla. 11 Lu ichiê Stichiaê Diose rni: “Ye bee bene enu chili arquiê Jesucristo leca xunga yaêna netúlla." 12 Nu nucuaê rni nú ante Diose iguale neca ye bee bene leca xiriêi nú ti benella, tunu necalla bene Israel urre lacalla bene Israel. Xne tucutsia Diose neca Diose lu ye bee bene, nu chiquiê ñia rriêinu luye bee bene enu rnacuê lunu. 13 Tucu nú nequie lu ichiê Stichiaê Diose elu rni: “Yebee bene enu rnacuê lu Diose tsilaêa bee nzeêe." 14 Pero, ¿xa nacuê bene lunu tunu lascaê chili arquiêbeella liêinu? ¿Nu xa chili arquiê beella liêinu tunu lascaê yeneê beella nú ti necanu? ¿Nu xneca yeneê beella nú ti necanu nu lecati ixiuleêe xa neca stichiaênu? 15 Nu, ¿xneca ixiuleêe beella stichiaênu tunu lecati xeêla liêibeella? Lu ichiê Stichiaê Diose rni: “¡Chiquiê ñia neca chenu rriña bene enu rriñayu resuna nzeêca para nú huañi nzeêca bee bene!" 16 Pero la yebee bene rriêi caso bee bedichiaê nzeêcaê Diose, tucu nú uni profeta Isaías: “Diose Pa liñibe, ¿ti uchili arquiê stichiaêlu nú rniru?" 17 Enzeêe lunú rieneê bene nzeli arquiê bene, nu lunú rieneê bene neca bedichiaê nzeêcaê Jesucristo. 18 Nu, ¿xieê lascaê yeneê bee bene Israel Stichiaê Diose la? ¡Pero liêá nia luhua nú ubeneêlaê beellae! Xne lu ichiê Stichiaê Diose rni: Diqui lu iliulabe uriêchia letsela Stichiaê Diose, nu hasta elu máse istu lu iliulabe ubeneêlaê bee bene stichiaênu. 19 Neequie rriêá elliebacuê: ¿Xieê nú la riêi bee bene Israel beyaê Stichiaê Diose la? Pero liêá nia nú rriêi beella beyaêe. Xne hasta huaêtu uquieêe Moisés nú uni Diose equie cuendaê beella chenu uninu: Liêá riêá nú yiea arquiêhua lunú riêá lubee bene enu laca bee bene Israel, nu lunú riêá cuna liêibeei mase nú lacabeei xi recahua, che leehua. 20 Nu leêca sin nú lliqui profeta Isaías uquieêella lunú uni Diose equie cuendaê bee bene Israel chenu uninu: Bee bene enu laca bee bene Israel mase nú né laênabeei liêá pero ullelaêbeei liêá. Nu ulubelua lubeei mase nú niê né nedichiaê beei liêá. 21 Leêca uquieêe profeta Isaías lunú uni Diose equie cuendaê bee bene Israel chenu uninu: “Debichia nzuquiea nú yeêtabeei lua, pero lá niarquiêbeei azucuêbeei nú rniaá nu rnibeei bee bedichiaê nú necha neca equie cuendaa."